IDO • Linguo Internaciona • Universala • Neutra • Facila


English Deutsch Français Plusa lingui

Generala informi pri agadi favore la Linguo Internaciona Ido


Vu esas la esma
vizitanto di ca ret-situo

Specala ofro

Ido-Situi

Kurseto por Infanti da A. Martinez (Hispania), PDF-file 2Mb

Interretala dicionarii

Ido-uzantogrupi

Diversa texti, literaturaji, Idokursi ed Idofilmi

Plusa Situi

Idofonduri

Wiki interna

modifikez flanko-bendo

Impressum: / Impreso:

Inhaber der Internetpräsenz www.ido.li:
propietanto dil retsituo www.ido.li

Deutsche Ido-Gesellschaft e.V.
Germana Ido-Societo r.a.
c/o ver.di Berlin
FB 8 / AG Ido
Köpenicker Str. 30
D- 10179 Berlin

Onlinekontakt
Interreta kontaktformulario

Administrator der Internetpräsenz www.ido.li:
administranto dil ret-situo www.ido.li

Frank Kasper
Breitscheidstr. 22
D- 90459 Nürnberg

Onlinekontakt
Interreta kontaktformulario

Mitadministratoren der Internetpräsenz www.ido.li:
kunadministranti dil ret-situo www.ido.li

Brian Drake (USA)
Tiberio Madonna (Italia)

Generala informi pri agadi favore la Linguo Internaciona Ido

Ido esis developata da la Delegaciono por l'Adopto di Internaciona Helpolinguo, qua kunvenis en Paris, 1907 (College de France).


Aktivesi dil Idistaro ed altra aktivesi favore Ido en la yari 2018 e 2019


La Misterio di la Blua Fantomo da Harold L. Goodwin

Jovdio 2019-10-17: Brian Drake publikigis tradukuro di romano por yuni da Harold L. Goodwin, quan lu enkargis che la retsituo archive.org. La romano esas aventuro ciencal di Rick Brant, filiulo di ciencisto, qua exploras misterii per raciono e cienco. Indexo dil verki enkargita trovesas hike.

Kuriero Internaciona N° 3/2018 enretigis

Saturdio 2019-10-12: Pos aparigo e dissendo dil maxim nova edituro dil trimestrala revuo KURIERO INTERNACIONA kreita da nia Franca samideano Jean Martignon enretigis la preirinta edituro di ica revuo kom pdf-dokumento. La pdf-versiono di KURIERO INTERNACIONA N° 3/2018 esas lektebla od querebla hike.

Nova edituro di la linguistikala verko NOV IDO

Merkurdio 2019-10-09: Tiberio Madonna publikigis la duesma edituro di Nov Ido, esayo pri linguistiko. Ol esas deskargebla gratuite de hike.
En ica pagino on trovas la kompleta listo di la verki publikigita da Tiberio Madonna.

Tradukuro di dialogo inter Terence McKenna e la radio-hosto Art Bell de 1997

Sundio 2019-10-06: Samideano James Chandler adkargis a sua situo nova tradukuro. Ol esas kelke diferanta kam sua antea tradukuri. Ol esas dialogo inter Terence McKenna e la radio-hosto Art Bell de 1997. Ica tradukuro trovesas hike.

Kurta raporto pri l'internaciona Idorenkontro 2019 en Berlin

Venerdio 2019-10-04: Kurta raporto pri l'internaciona Idorenkontro 2019 kreita da Marion Kasper trovesas hike.

Noveleti da Franz Kafka

Sundio 2019-09-01: Brian Drake publikigis tradukuro di noveleti da Franz Kafka, quan lu enkargis che la retsituo archive.org. Indexo dil verki enkargita trovesas hike.

La Milito dil Mondi da H.G. Wells

Venerdio 2019-08-16: Brian Drake publikigis tradukuro de la famoza romano "La Milito dil Mondi", quan lu enkargis che la retsituo archive.org. Indexo dil verki enkargita trovesas hike.

Ido-Saluto! 02/2019 aparesis

Saturdio 2019-07-27: La revuo dil Germana Ido-Societo Ido-Saluto! numero 02/2019 aparesis e sendesis a la membri di GIS ed al abonanti. Ica edituro ultre altro kontenas inviti al Internaciona Idorenkontro 2019 en Berlin ed al yarchefkunveno dil Germana Ido-Societo. Indexon dil tota kontenajo di ica edituro trovesas hike.

Heinrich Peus Kansonaro

Saturdio 2019-07-27: Danke a Gert Heintze publikigis Ido-kansonaro da Heinrich Peus kun kansoni en Ido kom pdf-dokumento. Ol esas querebla hike.

Kayero dil IDO kansoni

Saturdio 2019-07-27: Danke a Gert Heintze publikigis Kayero-dil-IDO-kansoni kun plusa kansoni en Ido kom pdf-dokumento. Ol esas querebla hike.

Saturdio 2019-07-27: La literaturajo Somero, esayi da Albert Camus danke a Gert Heintze nun esas querebla kom pdf-dokumento hike.

Quar Rakonti da Guy de Maupassant

Saturdio 2019-07-27:La literaturajo Quar Rakonti da Guy de Maupassant danke a Gert Heintze nun esas querebla kom pdf-dokumento hike.

Ido-Kulturo - E-libri

Sundio 2019-07-14: Plura e-libri en Ido trovesas che Ido-Kulturo.
L' originala verki es markizita kom "Verko: Originala".

Netigado di maro en USA

Sundio 2019-07-07: Nia Cheka samideano Gabriel Svoboda pozis informo pri netigado di maro en USA aden sua blogo.
On povas lektar ica e multa altra informi en Ido da lu hike.

PROGRESO numero 373 aparis

Sundio 2019-07-07: Numero 373 di PROGRESO, l'ofical organo dil Uniono por la Linguo Internaciona aparis. L' indexo di ica edituro trovesas hike.

2019: rekordala mi-yaro en la Ido-literaturo

Saturdio 2019-06-29: Gonçalo Neves publikigis nova artiklon en sua blogo La blua Plumo:
"2019: rekordala mi-yaro en la Ido-literaturo", qua trovesas hike.

La Odiinda komedio di Karnobrises Testosteronides - teatrajo originala

Jovdio 2019-06-27: Brian Drake publikigis "obcenajo teatral en kin akti", teatrajo original, quan lu enkargis che la retsituo archive.org. Atencez! Se on desprizas obcenaji, on devas evitar ica verko! Se on prizas sensencaji, lektez! Indexo dil verki enkargita trovesas hike.

Khristine - rakonto da José Cossio Ramirez (Mexikia)

Sundio 2019-06-16: José Cossio Ramirez de Mexikia ya en aprilo 2019 kreis sua rakonto Khristine kadre di EDITERIO IDO SONORA.
Kun la permiso dil autoro Frank Kasper nun publikigis ol kom pdf-dokumento che la Generala Ido - Libreyo.
Ol direte esas disponebla hike.

Kurez, Kurez, Ocidero - romano originala

Saturdio 2019-05-18: Brian Drake publikigis krimin-romano original, quan lu enkargis che la retsituo archive.org. Indexo dil verki enkargita trovesas hike.

Ido-Saluto numero 2019/01 aparesis

Sundio 2019-04-21: La revuo dil Germana Ido-Societo Ido-Saluto! numero 2019/1 aparesis e sendesis a la membri ed abonanti.
Ica edituro segun l'aspekto e kontenajo esas ecelanta. Danko, laudo ed agnosko meritas la redakterio dil revuo, specale l' Ido-Amiki Berlin.
Kontenajo di ica edituro trovesas hike.

La Fantomo vivanta - Dramato en verso

Sundio 2019-04-14: Brian Drake publikigis dramato, La Fantomo vivanta, sugestita da la dramato Japoniana Kanawa, quan lu enkargis che la retsituo archive.org. Indexo dil verki enkargita trovesas hike.

KURIERO INTERNACIONA 2/2018 enretigis

Saturdio 2019-03-30: Frank Kasper kun la permiso dil redaktero Jean Martignon enretigis KURIERO INTERNACIONA 2/2018. Ol esas disponebla od querebla hike.

La Kano-tranchero - Dramato en verso

Merkurdio 2019-03-27: Brian Drake publikigis dramato, La Kano-tranchero, sugestita da la dramato Japoniana Ashikari da Zeami, quan lu enkargis che la retsituo archive.org. Indexo dil verki enkargita trovesas hike.

Nova edituro di "Idala foliumi".

Lundio 2019-03-25: Kun plezuro Gonçalo Neves anuncas ke jus aparis nova Ido-verko:
Andreas Juste: Idala foliumi. Kun introdukto da Tazio Carlevaro. Triesma edituro. Bellinzona: Editerio Hans Dubois 2019. 45 p. (pdf-edituro).
Ol esas libere e gratuite acesebla, lektebla e deskargebla hike.
Hike, en mea blogo, on povas lektar pasable detaloza artiklo pri la historio di ca importanta verko.

Nova Ido-verko: Modern Ido-poeti aparis

Venerdio 2019-03-22: Kun plezuro Gonçalo Neves anuncas ke jus aparis nova Ido-verko:
PASCAU, Louis; CARLEVARO, Tazio: Modern Ido-poeti. Duesma edituro, revizita. Bellinzona 2019. 46 p. (pdf-edituro).
Ol esas libere e gratuite acesebla, lektebla e deskargebla hike.

Nova rakonto en Ido: La libro raptera

Sundio 2019-03-17: Tiberio Madonna jus publikigis la nova edituro, tote revizita, di la rakonto en Ido La libro raptera. La versiono en l'Italiana di ca rakonto, Il libro rapitore, donis la nomo a la kolekturo de fabli e rakonti publikigita en 2016 dal editerio Kimerik, ube esas posibla trovar sive la versiono papera sive la e-libro. La rakonto en Ido esas direte e gratuite deskargebla de hike.
En ca pagino on trovas listo kompleta di la verki publikigita da Tiberio Madonna.

ULI organizas elekto di la Direktanta Komitato.

Saturdio 2019-03-16: ULI organizas elekto di la Direktanta Komitato. Membri di ULI, kandidatigez su!!!

Nova Ido-verko: La gardero di trupi aparis

Saturdio 2019-03-16: Kun plezuro Gonçalo Neves anuncas ke jus aparis nova Ido-verko:
Alberto Caeiro (Fernando Pessoa) La gardero di trupi. Tradukita da Gonçalo Neves: Triesma edituro, revizita, notizita ed ilustrita per desegnuri e pikturi da virtuoza artisti anciena e moderna.
Espinho: Editerio Sudo 2019: 98 pagini. (pdf-edituro).
Ol esas libere e gratuite acesebla, lektebla e deskargebla hike.

Nova grupo en Facebook

Mardio 2019-03-12: En Facebook naskis la nova Ido-grupo Parolez Ido, qua esas grupo filia di la sociala reto Parolez Ido. Omna samideani ed Ido-simpatianti esas invitata adherar, anke kun poka savo di Ido. On povas acesar hike.
Esez bonvenanta a la nova grupo en Facebook!

PROGRESO numero 372 aparis

Saturdio 2019_09_03: Numero 372 di PROGRESO, l'ofical organo dil Uniono por la Linguo Internaciona aparis. L' indexo di ica edituro trovesas hike.

Internaciona Idorenkontro 2019 en la Germana chefurbo Berlin

Saturdio 2019-03-08: Inter la 05ma di septembro 2019 (arivo) e la 09ma di septembro 2019 (departo) eventos l'internaciona Idorenkontro 2019 en la Germana chefurbo Berlin. Plusa informi trovesas hike.

Sis verki da Gonçalo Neves ek la yaro 2002 rienretigesis

Sundio 2019-03-03: Kun plezuro Gonçalo Neves anuncas ke lu jus tere enretigis 6 Ido-verki da me qui aparis en 2002 che Editerio Sudo. La du unesma lore aparis anke papere (ja exhaustita) e le cetera nur en la reto. Nun me kelke revizis oli ed emendis nur evidenta erori, ma me tote ne chanjis la kontenajo nek la paginizo. Do me judikas oli ne kom nova edituri ma nur kom riaparigita o ridisponebligita versioni dil anciena (ed unika) edituro. La kontenajo reflektas mea lora idei e stilo, qui ne sempre koindicas kun le nuna. Yen lia tituli, subtituli e ligili. Arkivo kun omna verki publikigita da Gonçalo Neves trovesas hike.

Se Rejo me esus - Romano romantika

Jovdio 2019-02-28: Brian Drake publikigas tradukuro de romano romantika, Se Rejo me esus da Justin Huntly McCarthy, quan lu enkargis che la retsituo archive.org. La romano naracas eventi fiktiva pri la poeto François Villon, la rejulo Louis XI, e la Francia dil XVma yarcento. Indexo dil verki enkargita trovesas hike.

Dazlo, originala poemaro en Ido aparis

Lundio 2019-02-25: Kun plezuro Gonçalo Neves anuncas ke jus aparis nova Ido-verko:
Gonçalo Neves: Dazlo. Originala poemaro en Ido. Triesma, revizita, notizita ed ilustrita edituro. 41 pagini.
Ol esas libere e gratuite acesebla, lektebla e deskargebla hike.
Ica verko aparis unesmafoye en 2002, en la lora *sito di Editerio Sudo, e restis acesebla dum kelka yari, tam longe kam la sito duris. En 2017 aparis la duesma edituro, papera, per Lulu, ma ol restis acesebla dum poka tempo, nam Gonçalo Neves balde efacis ol, pro mala qualeso editala.

L'arboro dil cielo - Rakonto

Jovdio 2019-02-21: Tiberio Madonna ripublikigis la rakonto "L'arboro dil cielo" kun nova grafika aspekto.
Ica rakonto aparis unesmafoye en la numero 1 di la revuo "La Plumo Idala", numero pri la exterterani.
Recente, lastasomere, ol aparis kom aparta edituro ma provizore, sen imajizita kovrilo.
Nun vi povas deskargar la nova failo de hike.
En ica pagino trovesas kompleta listo di la verki editita da Tiberio Madonna. La pagino esas nun tote rinovigita.

La sonjo furtita - Rakonto

Jovdio 2019-02-21: Tiberio Madonna rieditis la rakonto "La sonjo furtita" en nova vesto grafika.
La rakonto aparis unesmafoye en la numero 2 di la revuo "La Plumo Idala", numero koncernanta la sonji.
Pose, en la lasta somero, ol aparis kom libreto nedependanta, ma provizore, sen imajizita kovrilo.
Nun vi povas deskargar la nova edituro de hike.
En ica pagino trovesas kompleta listo di la verki til nun publikigita da Tiberio Madonna. La pagino esas nun tote rinovigita.

Sen kordeti - Romano originala

Jovdio 2019_02_14: Brian Drake publikigas romano originala, quan lu enkargis che la retsituo archive.org. La romano naracas l'eventi di un nokto frenezioza en New York. Indexo dil verki enkargita trovesas hike.

La mikra punto - Du fabli

Mardio 2019-02-12: Tiberio Madonna jus publikigis en l'interreto la fablo satira "La mikra punto" ed olua duro "La mikra punto 2", en formato PDF. La du libreti elektronikala esas libere deskargebla de hike.
La versiono Esperantala "La malgranda punkto" en la lasta somero ganis premio en la traduk-konkurso di la FEI, la federuro Italiana di Esperanto.
En ca pagino on trovas listo kompleta di la verki publikigita da Tiberio Madonna.

Idolektolibro komendebla e komprebla che epubli ed Amazon

Lundio 2019-02-11: Nia diligenta Germana samideano Gert Heintze editis Idolektolibro e disponis ol che l'interretala imprimservilo epubli ed che Amazon.
La libro esas komendebla e komprebla kom papera edituro direte che epubli hike od che Amazon hike.

Riveno a Lisboa

Lundio 2019-02-11: Kun plezuro Gonçalo Neves anuncas ke jus aparis nova Ido-verko: Gonçalo Neves: Riveno a Lisboa. Personala (e mem pasable kulisala...) raporto kelke detaloza pri la 103-ma Universala Kongreso di Esperanto Ol esas gratuite acesebla, lektebla hike.
Arkivo kun omna verki publikigita da Gonçalo Neves trovesas hike.

La dolca oldineto - Fablo

Saturdio 2019-02-02: Tiberio Madonna jus publikigis en l'interreto la fablo "La dolca oldineto" en formato PDF. La libreto elektronikala esas libere deskargebla de hike.
En ca pagino on trovas listo kompleta di la verki publikigita da Tiberio Madonna.

Nova Ido-verko: Esperantal antologio en Idolinguo, da Tazio Carlevaro

Merkurdio 2019-01-30: Kun plezuro Gonçalo Neves anuncas ke jus aparis yena Ido-verko:
Tazio Carlevaro: Esperantal antologio en Idolinguo. 2ma revizita edituro. Bellinzona: 2019. 64 p.
La verko esas libere e gratuite acesebla, lektebla e deskargebla hike.
Ica verko, en qua Carlevaro analizas la literatural importo e la precipua traiti di 50 Esperanto-skripteri e prizentas Ido-tradukuri di 90 poemi da li, aparis unesmafoye en 1977, ma la unesma edituro ja ante longe exhaustesis e divenis bibliofilala rarajo.


2018: REKORDALA YARO EN LA IDO-LITERATURO

Jovdio 2019-01-17: Gonçalo Neves publikigis plusa artiklo en lua blogo La Blua Plumo, sub la titulo: 2018: REKORDALA YARO EN LA IDO-LITERATURO. Ol trovesas hike.

La formiko redkapa - Fablo

Lundio 2019-01-14: Tiberio Madonna publikigis la fablo "La formiko redkapa" en formato PDF. La libreto elektronikala esas libere deskargebla de hike.
En ca pagino on trovas listo kompleta di la verki publikigita da Tiberio Madonna.

Ad˜avane! numero 28 aparis

Saturdio 2019-01-12: La Hispan Ido-Societo editis l'ofical organo dil Societo Ad˜avane! numero 28. La kontenajo di ica edituro trovesas hike.

Lo bela kom principo linguala

Merkurdio 2019_01_09: Brian Drake transskribis la bela esayo "Lo bela kom principo linguala" de pamfleto da S. Quarfood, 1933, quan lu enkargis che la retsituo archive.org.

Nova Ido-verko: Muliero qua savas la Latina aparis

Mardio 2018_12_19: Kun joyo Gonçalo Neves anuncas ke jus aparis, kom pdf-libro,
Muliero qua savas la Latina... Komparanta studiuro pri tri mulieri savoza.
Ol esas Ido-tradukuro di studiuro qua aparis en la Esperanto-revuo Literatura Foiro (2018, n‑ro 296, p. 329–334), por ti qui interesesas pri feminismo e feminal erudeso. Ol esas gratuite acesebla, lektebla e deskargebla hike.

Kansoni Kristnaskala - Nova versiono

Sundio 2018-12-09: Tiberio Madonna publikigis nova versiono di la kolekturo de kantebla Ido-texti "Kansoni Kristnaskala". La nova versiono esas revizuro; ol kontenas mikra chanji en la texti di tri kansoni e havas kelke diferanta aspekto. La verko esas deskargebla de hike.
En ca pagino trovesas listo di la verki.

Duesma edituro di "Esperanto ed Ido: diferanta voyi adsur Parnaso" aparis

Saturdio 2018_12_08: Kun joyo Gonçalo Neves anuncas ke jus aparis, kom pdf-libro, la duesma edituro di lua verko "Esperanto ed Ido: diferanta voyi adsur Parnaso Komparanta studiuro pri la developeso di Esperanto ed Ido kom poeziala lingui".
Lektinti “ne mustas” parlektar ol itere, nam esencale koncernesas la sama verko, kun tre poka modifiki, ma ti qui deskargis e gardis l’antea dokumento pregesas efacar ol e remplasigar ol per la nova edituro.
Ol esas gratuite acesebla, lektebla e deskargebla hike.

Astoneso - Poemaro

Jovdio 2018_11_29: Brian Drake publikigas poemaro havanta poemi originala e tradukita, quan lu enkargis che la retsituo archive.org. Indexo dil verki enkargita trovesas hike.

Gerhild Drogi kreis Ido-kalendario 2019 en formato A4

Merkurdio 2018-11-28: Gerhild Drogi anke por la yaro 2019 kreis Ido-kalendario en formato A4.
Ol trovesas hike.

PROGRESO numero 371 aparis

Mardio 2018_08_11: Numero 371 di PROGRESO, l'ofical organo dil Uniono por la Linguo Internaciona aparis. L' indexo di ica edituro trovesas hike.

Nova artiklo en La blua plumo (18)

Mardio 2018_11_27: Pos (tro) longa pauzo Gonçalo Neves itere publikigis artiklo en sua blogo "La blua plumo", sub la titulo "Sufixala rimizo: ka krimino, delikto o kontravenco?". L'artiklo trovesas hike.

Posta Mundi, jurnal inter IAL numero 30 aparis

Venerdio 2018_11_23: Jus aparis la 30ma numero di Posta Mundi, jurnal inter IAL. Ica numero, 54-pagina, kontenas 13 kontributaji en 13 auxiliara lingui (Esperanto, Idiom Neutral, Ido, Occidental, Novial, Interlingua, OKA, Universalglot, ikuso, Populido, Sibelingua, Solresol, Lingua de Fantomas).
La tota numero esas deskargebla hike.
La kontenajo di Posta Mundi numero 30 trovesas hike.

REFLEKTI PRI LA LOGIKO

Mardio 2018_11_20: Tiberio Madonna prizentas sua duesma verko pri linguistiko, "REFLEKTI PRI LA LOGIKO".
Ligo pro deskargar ol trovesas hike.

Idokalendario 2019

Mardio 2018_11_20: Okazione dil linguoferio EXPOLINGUA en Berlin prizentesis Idokalendario 2019 en A5 ed A6.
Ica kalendario kreita da d-ro Detlef Groth esas komprebla por 5 EURO (A5) od 3 EURO (A6) po exemplero che Eberhard Scholz.

Ido prizentesis che EXPOLINGUA 2018 en Berlin

Mardio 2018_11_20: Inter la 16ma e 17ma di novembro 2018 eventis la cayarala internaciona linguoferio EXPOLINGUA en la Rusa Domo en la Germana chefurbo Berlin. Same kam ya en la recenta yari l'Idoamiki Berlin kun helpo di altra membri dil Germana Ido-Societo aranjis estaleyo pri Ido pro reklamar nia komuna linguo. Kurta raporto e kelka fotografuri trovesas hike.

Gotika Noveli

Jovdio 2018_11_15: Brian Drake publikigas ok gotika noveli de la yari 1773 til 1835, kun introdukto pri la jenro gotika. Rakonti pri teroro, fantomi, e krimini, quan lu enkargis che la retsituo archive.org. Indexo dil verki enkargita trovesas hike.

Esperanto ed Ido: diferanta voyi adsur Parnaso aparis

Lundio 2018_11_12: Kun joyo Gonçalo Neves anuncas ke jus aparis, kom pdf-libro, lua verko "Esperanto ed Ido: diferanta voyi adsur Parnaso".
Ol esas Ido-tradukuro di detaloza studiuro qua aparis en la Esperanto-revuo Literatura Foiro.
Ol esas gratuite acesebla, lektebla e deskargebla hike.

Brian Drake ofras nova tradukuro

Venerdio 2018_11_09: Brian Drake publikigas Salome, la tragedio famoza da Oscar Wilde, quan lu enkargis che la retsituo archive.org. Indexo dil verki enkargita trovesas hike.

Brian Drake ofras noveli lektita laute

Lundio 2018_10_22: Brian Drake registragis dek noveli de sua novelaro NOKTO-GARDENO, quin lu enkargis che la retsituo archive.org. Indexo dil verki enkargita trovesas hike.

Brian Drake publikigas nova tradukuro

Jovdio 2018_10_18: Brian Drake publikigas KONAN LA BARBARULO, quar noveli pri la heroo famoza e fantastika, quan lu enkargis che la retsituo archive.org. Indexo dil verki enkargita trovesas hike.

Raporto pri la RENKONTRO POR LA ADEPTI DI LA L.I. DI LA DELEGACIONO EN PROVINS (26ma – 30ma di septembro 2018)

Lundio 2018-10-01: Raporto kun kelka fotografuri pri l'Internaciona Idorenkontro 2018 trovesas hike.

Brian Drake publikigas nova novelaro

Mardio 2018_08_28: Brian Drake publikigas PAGINI TROVITA EN FANGO, dekenon nova noveli originala di diversa temi humuroza e serioza, quan lu enkargis che la retsituo archive.org. Indexo dil verki enkargita trovesas hike.

Plura Literaturaji original da Tiberio Madonna trovesas ye la interreto

Saturdio 2018_08_18: Idoadheranto Tiberio Madonna ofras ad Idia literaturaji original (tote korektigita e revizita), quin lu publikigis ye l'interreto. Indexo dil verki enkargita trovesas hike.

Brian Drake tradukis kin dramati Expresistala

Mardio 2018_08_14: Brian Drake tradukis kin dramati dil Expresistala movemento, de 1907-1923, quin lu enkargis che la retsituo archive.org. La antologio inkluzas introdukto dal tradukero e prefaco da Yvan Goll. Indexo dil verki enkargita trovesas hike.

PROGRESO numero 370 aparis

Saturdio 2018_08_11: Numero 370 di PROGRESO, l'ofical organo dil Uniono por la Linguo Internaciona aparis. L' indexo di ica edituro trovesas hike.

Ad˜avane! numero 27 aparis

Saturdio 2018-08-11: La Hispan Ido-Societo editis l'ofical organo dil Societo Ad˜avane! numero 27. La kontenajo di ica edituro trovesas hike.

Amikala renkontro en Nürnberg (Germania)

Sundio 2018-08-05: Yen trovesas raporto pri amikala renkontro di Antonio Martinez kun Frank Kasper en Nürnberg ye la 02ma di agosto 2018.

Projeto por registragar Ido for All

Mardio 2018-07-31: Richard Warburton komencis projeto por registragar Ido for All. La projeto trovesas hike.

Brian Drake tradukis romano da Voltaire

Mardio 2018_07_10: Brian Drake tradukis la romano "Kandido" da Voltaire, la famoza satiro kontre l'optimismo, quin lu enkargis che la retsituo archive.org. Indexo dil verki enkargita trovesas hike.

Tiberio Madonna skriptis nova romaneto en Ido

Sundio 2018_07_01: Tiberio Madonna skriptis nova romaneto en Ido "L'asasino di Gonçalo". Ol esas detektivo-romaneto kelke humuroza e fantazioza, kun fakti qui eventas en la futuro. Plusa informi trovesas hike.

Plusa Idofilmeti da samideano Brian Drake

Jovdio 2018_06_28: Samideano Brian Drake informas, ke diversa Idofilmeti kreita da lu ipsa esas enkargita ye archive.org. Indexo dil verki enkargita trovesas hike.

Himno por la Linguo Internaciona, Ido, kompozita e kantita da Brian E. Drake

Mardio 2018_06_26: Samideano Brian Drake ye 28ma di mayo 2018 publikigis filmeto kun himno por Ido kompozita e kantita da lu ipsa. La filmeto esas trovebla e deskargebla hike.

Plura Ido-tradukuri ed verki original da Brian Drake trovesas ye la interreto

Sundio 2018_06_24: Samideano Brian Drake ofras ad Idia plura tradukuri ed verki original (tote korektigita e revizita), quin lu enkargis che la retsituo archive.org. Indexo dil verki enkargita trovesas hike.

Idoamiki Berlin prizentis Ido ye civitan-festo en Berlin-Lichtenberg

Lundio 2018_06_18: Idoamiki Berlin prizentis Ido ye civitan-festo en la quartero Berlin-Lichtenberg (Germania) en sundio, la 17ma di junio 2018. Lektez pluse.

Filmeto "Youkali" trovesas kom Ido-versiono che Youtube

Jovdio 2018_05_31: Che Youtube trovesas Ido-versiono dil filmeto "Youkali" kreita de originala filmeto e publikigita da Brian Drake ya en la yaro 2013. Ol esas querebla od spektebla hike.

KURIERO INTERNACIONA numero 03/2017 enretigis

Mardio 2018_04_10: Numero 03/2017 di KURIERO INTERNACIONA, la nedependanta revuo trisemestral redaktita da Jean Martignon (Francia).
L' elektronikala edituro trovesas hike.

PROGRESO numero 369 aparis

Saturdio 2018_03_31: Numero 369 di PROGRESO, l'ofical organo dil Uniono por la Linguo Internaciona aparis. La konteno di ica edituro trovesas hike.

PROGRESO numero 368 aparis

Sundio 2018_01_14: Numero 368 di PROGRESO, l'ofical organo dil Uniono por la Linguo Internaciona aparis. La konteno di ica edituro trovesas hike.

26ma numero di Ad~avane! aparis

Saturdio 2018_01_06: Segun informo da Antonio Martinez de Hispania jus aparis la 26sma numero dil revuo Adãvane!,l’unesma en ca nova epoko. Omni qui deziras recevar la revuo sendez vua nomo e postal adreso ad: idosocietohispana@ono.com.
La konteno di Ad~avane! numero 26 (januaro 2018) trovesas hike.


Aktivesi dil Idistaro e di ULI en la yari 2018 til 2019
Aktivesi dil Idistaro e di ULI en la yari 2016 til 2017
Aktivesi dil Idistaro e di ULI en la yari 2013 til 2015

Aktivesi dil Idistaro e di ULI en la yaro 2012

Omna aktivesi dil Idistaro e di ULI en la yaro 2011

Aktivesi dil Idistaro e di ULI en la yaro 2010

Aktivesi dil Idistaro e di ULI en la yaro 2009

Aktivesi dil Idistaro e di ULI en la yaro 2008